Berriak

Parlamentuko Osoko Bilkurak onetsi du gaur, SN, Nabai, Bildu eta I-Ek alde emandako botoekin eta UPN eta PPNk kontra emandako botoekin, Espainiako Gobernua “2012rako Lanbide Arteko Gutxieneko Soldata eta Ondorio Askotarako Errenta Adierazle Publikoa (IPREM) baliogabetzera eta haren eguneratzera ekitera” premiatzen duen ebazpena.

Onartutako ebazpenak bigarren puntu bat du, non, halaber, Gobernu zentralari eskatzen zaion “LGSa batez besteko soldataren %60ra pixkanaka hurbiltzeko plana ezar dezala, EINaren Lan-Kostuaren Urteroko Inkestaren balioespenei jarraiki kalkulatuta”.

Parlamentuko Osoko Bilkurak aho batez onetsi du gaur Espainiako Gobernua “irizpideak bateratzera eta etorkin sahararren dokumentuak izapidetzea erraztera, aipatutako printzipioetan (zioen azalpenean) oinarrituta,” premiatzen duen ebazpena.

Parlamentuko Osoko Bilkurak gaur onetsi du, UPN eta SN Parlamentu-taldeen aldeko bozekin, eta Nabai, Bildu eta I-E Parlamentu-taldeen aurkako bozekin, Pertsona Fisikoen Errentaren gaineko Zergan aldi baterako zerga-tasa osagarria ezartzen duen, eta atxikipen eta kontuko sarrera jakin batzuk aldatzen dituen Foru Legea.

Parlamentuko Osoko bilkurak gaur onetsi du, UPN, SN, Nabai, Bildu eta I-E Parlamentu-taldeen aldeko bozekin, eta PPN Parlamentu-taldearen abstentzioarekin, Ganberak “finantza-sektorea dela egungo krisi ekonomikoaren arduradun nagusia eta, hortaz, krisiaren ondorioen aurrean nolabaiteko erantzunen bat eman behar duela” adierazten duen ebazpena.

Gizarteratze-Errenta arautzen duen Foru Legea onetsia

Parlamentuko Osoko Bilkurak Gizarteratze-Errenta arautzen duen Foru Legea onetsi du gaur, UPN, SN eta PPNk haren alde emandako botoekin eta Nabai, Bildu eta Izquierda-Ezkerrak kontra emandako botoekin.

Parlamentuko Osoko Bilkurak ebazpen bat aho batez onetsi du gaur. Ebazpenaren bidez Nafarroako Gobernua premiatzen da “bi hilabeteko epean txostena aurkeztera, etxebizitzen eraikuntza-sektorean gertatutako aldaketen ondorioak ezagutzeko eta aldaketa horiek ikusita BOEn moduluen prezioaren jaitsiera planteatzea logikoa ote den jakiteko”.

Nafarroako Parlamentuko Osoko Bilkurak 2010eko Nafarroako Kontu Orokorrei buruzko Legea onetsi du gaur, UPN eta SN taldeek haren alde emandako botoekin, PPN taldearen abstentzioarekin eta Nabai, Bildu eta Izquierda-Ezkerra taldeek kontra emandako botoekin.

Parlamentuko Osoko Bilkurak 2012ko ekitaldirako Zenbait zerga aldatu eta beste tributu-neurri batzuk hartzeko Legea onetsi du gaur, UPN eta SN taldeek haren alde emandako botoekin eta Nabai, Bildu, PPN eta Izquierda-Ezkerra taldeek haren kontra emandako botoekin.

Osoko Bilkuran onetsitako Legeak aurretik Ekonomia eta Ogasun Batzordeko eztabaidan irizpenari batu zitzaizkion 6 zuzenketak ditu. Zuzenketa guztiak UPN eta SPNk elkarrekin aurkeztu zituzten, 1 izan ezik, I-Ek aurkeztu zuena.

Parlamentuko Osoko Bilkurak Nabaik (1 itzultzekoa eta bestea ordezko testuduna) Bilduk, PPNk eta I-Ek Gizarteratze-Errenta arautzen duen Foru Lege proiektuari aurkeztutako bost osoko zuzenketak baztertu ditu gaur.

Nabai, Bildu eta I-E taldeen osoko zuzenketak (itzultzekoak) eta Nabairen ordezko testudun osoko zuzenketa indargabetu dira UPN, SN eta PPNk haien kontra emandako botoekin, eta Nabai, Bildu eta I-Ek haien alde emandako botoekin.