Nafarroako Parlamentuak Donejakue Bideko Mañeru eta Lorka arteko bidea egin du
Donejakue Bidearen Lizarrako Lagunen Elkartearen eskutik San Pedro auzoa bisitatu dute eta erromesen aterpetxean bazkalduko dute
Nafarroako Parlamentuak Mañeru eta Lorca arteko Donejakue Bidea egin du gaur. Kultura, Kirol eta Turismo Batzordearen ekimenak (Ganberako gainerako kideei irekita egon arren) Lizarrako San Pedro auzoatik barna bisita bat eta herriko erromesen aterpetxean senidetasun-bazkari bat barne hartu du.
Legebiltzarreko ordezkaritzaren buru Unai Hualde Lehendakaria izan da, eta Donejakue Bidearen Lizarrako Lagunek eta Lizarrako Done Jakue Ikasketa Zentroak ere parte hartu dute. Azken elkarte horri egokitu zaio programa antolatzea.
Jardunaldia Garesen hasi da eta Gurutzearen eliza, Santiago elizaren aurrealdea eta Erdi Aroko zubia bisitatu dituzte. Ondoren, Udalak kafe bat eskaini du herriko taberna batean.
Jarraian, legebiltzarkideak autobusez joan dira Mañeruko sarrerara, eta handik oinez hasi dute Lorcarainoko bidea. Hortik, autobusez, Lizarrara. Bertan, San Pedro auzoan bisita gidatua egitea aurreikusten da, Hilobi Santuan, erromesen ospitalean, Rua kalean, San Martin plazan, Nafarroako Erregeen jauregian eta San Pedro elizan geldialdiak eginez.
Hori guztia aterpetxean bazkaldu aurretik, egun horretan ostatu hartu duten erromesekin batera.
Jardunaldian zehar, Legebiltzarreko ordezkariek aukera izan dute "mendeetan zehar erromes gehien hartu duen bidea” ezagutzeko, “historia, kultura eta paisaia zoragarriak biltzen dituelako mantendu beharreko bidearekin. Gaurko etapa bidearen laburpen bat da, 160 herrialdetako erromesak ibiltzen diren mundurako leihoa, eta horrek komunitatea, merkataritza eta nolabaiteko aberastasuna sortzen lagundu du, despopulazioa arintzeaz gain ", azaldu du Román Felones parlamentari ohi eta Bidearen Lagunen Elkarteko kideak.
Hona hemen bertaratu diren legebiltzarkideen zerrenda:
Unai Hualde, Lehendakaria, Ainhoa Unzu, Lehen Lehendakariordea, Javier Trigo, Raquel Garbayo (UPN), Ramón Alzórriz, Javier Lecumberri, Maite Esporrín, Olga Chueca, Ibai Crespo (PSN), Xebe Txoperena (EH Bildu), Itxaso Soto, Blanca Regúlez (Geroa Bai), Irene Royo (PPN), Daniel López (Contigo-Zurekin) eta Emilio Jiménez (Vox).