Nafarroako Gobernua premiatzen da Nafarroako Industria Plana taxutzen has dadin
Osoko bilkuran onetsi da. 2023ko irailaren 28an
1.- Nafarroako Gobernua premiatzen da Nafarroako Industria Plana taxutzen has dadin, gure industria-sarearen lehiakortasuna hobetzeko, ekoizpen jasangarrira bideratutako trantsizio ekologiko eta digitalean aurrerapausoak emate aldera, eskaerari erantzunen dion maila guztietako prestakuntza-eskaintzarekin eta lankidetza publiko-pribatuarekin, bereziki I+G+Brekin zerikusia duen orotan, halako moduz non ahalbidetuko baitigu aurrera egitea balio erantsia duten produktuetan oinarritutako ekonomia baterantz, aberastasuna eta kalitatezko enplegua sortuko dituena.
2.- Foru Exekutiboari eskatzen zaio Nafarroako Industriarako Plan hau eragile ekonomiko eta sozialen ordezkariekin adostu dadin.
3.- Gobernua premiatzen da laguntza publikoak jasotzen dituzten enpresei exigi diezaien, lankidetza publiko-pribatuaren esparruan, errotze-bermeak eman ditzaten eta kalitatezko enpleguarekiko nahiz berotegi-efektuko gasen isurketen murrizketarekiko konpromisoa erakuts dezaten.
4.- Nafarroako Gobernua premiatzen da Nafarroako Industriarako Planak erantzun diezaien industriaren ezarpenari dagokionez Nafarroan dauden lurralde-desorekei.
5.- Foru Gobernua premiatzen da Nafarroako Industriarako Planak konpromiso eta jarduketa-ildoak jaso ditzan, sektoreko langileen osasuna zaintzekoak.
PSN talde parlamentarioak aurkeztu du.
1., 2., 4. eta 5. puntuak UPNren, PSNren, EH Bilduren, Geroa Bairen, PPNren eta Contigo-Zurekinen aldeko botoekin eta Voxen aurkakoarekin onetsi dira.
3. puntua UPNren, PSNren, EH Bilduren, Geroa Bairen, eta Contigo-Zurekinen aldeko botoekin, PPNren abstentzioarekin eta Voxen aurkakoarekin onetsi da.