Nafarroako Gobernua premiatzen da LGTBI+ pertsonei arreta integrala emateko Kattalingune zerbitzuaren kalitate-parametroak manten ditzan
Osoko bilkuran onetsi da. 2023ko otsailaren 16an
1.- Nafarroako Gobernua premiatzen da LGTBI+ pertsonei arreta integrala emateko Kattalingune zerbitzua ematen jarrai dezan, 2022ko abendura arteko kalitate-parametroak mantenduz edo hobetuz, horretarako behar diren giza baliabide eta baliabide ekonomikoekin hornituta.
2.- Nafarroako Gobernuari eskatzen zaio murrizketarik egin ez dezan aipatu Kattalingune zerbitzuan, ez kontratatutako langileez (zazpi profesional) ez 2023rako Nafarroako Aurrekontuetan hasiera batean esleitutako partida ekonomikoaz (248.000 euro) bezainbatean.
3.- Parlamentuak Nafarroako Gobernua premiatzen du zerbitzuko profesionalei entzun eta LGTBIQ+ kolektiboek egindako ekarpenak aintzat har ditzan zerbitzuari buruzko erabaki garrantzitsuak hartu baino lehen.
Geroa Bai, EH Bildu eta I-Ek aurkeztua.
1. eta 3. puntuak Navarra Sumaren, Geroa Bairen eta EH Bilduren aldeko botoekin, Navarra Sumako bi parlamentariren (PPN) eta Podemos-Ahal Duguren abstentzioekin eta PSNren aurkako botoarekin onetsi dira.
2. puntuaren aldeko botoa eman dute PSNk, Geroa Baik, EH Bilduk eta I-Ek eta Navarra Suma eta Podemos-Ahal Duguk abstentzioa.