Nafarroako Gobernua premiatzen da gardentasunaren nahiz publizitate aktiboaren arloetako betebehar guztiak bete ditzan
Osoko bilkurak onetsi du. 2023ko azaroaren 16an
1.- Nafarroako Gobernua premiatzen da gehienez ere 9 hilabeteko epean oso-osorik bete ditzan Gardentasunari, informazio publikoa eskuratzeari eta gobernu onari buruzko 5/2018 Foru Legeak gardentasunaren nahiz publizitatearen arloetan ezartzen dituen betebehar guztiak.
2.- Foru Gobernuari eskatzen zaio gehienez ere 6 hilabeteko epean bete dezan Gardentasunari, informazio publikoa eskuratzeari eta gobernu onari buruzko 5/2018 Foru Legearen seigarren xedapen gehigarrian ezarritakoa, eta legearen aplikazioari buruzko ebaluazio globala egin eta Nafarroako Parlamentura igor dezan.
3.- Foru Exekutiboa premiatzen da Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Legearen 67.2 artikuluan ezarritakoa bete dezan.
UPN talde parlamentarioak aurkeztu du.
Aho batez onetsi da.