Nafarroako Gobernua premiatzen da etxegabetasuna desagerrarazte alderako politika publikoak bultza ditzan
Osoko bilkurak onetsi du. 2022ko azaroaren 3an
1.- Nafarroako Gobernua premiatzen da etxegabetasuna desagerrarazte alderako politika publikoak bultza ditzan, gaiari helduz faktore ekonomikoak eta kulturalak dituen egiturazko arazo gisa.
2.- Foru Gobernuari eskatzen zaio kooperatzeko eremuak bultza ditzan toki entitateekin eta etxebizitza eta gizarte zerbitzuetako arloetatik, etxegabetasuna desagerrarazteko jardunbide onak trukatzeari eta politika publiko eraginkorrak bultzatzeari begira.
3.- Nafarroako Exekutiboari eskatzen zaio jarrai dezan sustatzen neurri gehiago hartzea etxebizitzen eskaintza areagotzeko, etxegabetasuna desagerraraztera bideratutako toki entitateen programetarako.
4.- Nafarroako Gobernua premiatzen da indartu dezan tokiko poliziaren, Foruzaingoaren, segurtasuneko indar eta kidegoen eta babes zibilaren prestakuntza, larrialdi egoeran dauden etxebizitzarik gabeko pertsonei arreta emateko.
5.- Foru Exekutiboari eskatzen zaio prozesuak hobetu eta protokoloak egokitu ditzan etxebizitzarik gabeko pertsonek babes sozialeko sistemara iritsi ahal izan daitezen.
6.- Eskatzen da etxegabetasuna artatzeko ereduen alorrean dauden joera nazionalak eta internazionalak aztertu ondoren, bai eta Nafarroako egoera ere, behin betiko eredu-proposamen bat ezartzea Nafarroan etxebizitzarik ez daukaten pertsonak artatzeko.
PSN talde parlamentarioak aurkeztu du.
1, 2, 4 eta 5. puntuak aho batez onetsi dira.
3. puntua Navarra Suma, PSN, Geroa Bai eta Podemos-Ahal Duguren aldeko botoekin eta EH Bildu eta I-Eren abstentzioekin onetsi da.
6. puntua Navarra Suma, PSN, Geroa Bai eta Podemos-Ahal Duguren aldeko botoekin, EH Bilduren aurkakoarekn eta I-Eren abstentzioarekin onetsi da.