Nafarroako Gobernua premiatzen da Alderdi Karlista 1976ko maiatzaren 9ko gertakarien biktima politiko gisa aitor dezan
Herritarrekiko Harremanetako Batzordeak onetsi du. 2023ko otsailaren 28an
1.- Nafarroako Gobernua premiatzen da Bakearen eta Bizikidetzaren Zuzendaritza Nagusiaren bidez Alderdi Karlistari dagokion aitortza publikoa eta erreparazioa egin diezaion –administrazio-egintza egokiaren bidez–, 1976ko maiatzaren 9ko gertakarien biktima politiko nagusia baita, erasoa eskuin muturreko zenbait kidek egin baitzuten, Gobernuaren instantzia batzuen laguntzarekin.
2.- Foru Gobernuari eskatzen zaio Bakearen eta Bizikidetzaren Zuzendaritza Nagusiaren bidez “Memoria toki” gisa seinalezta dezan Jurramendin 1976ko maiatzaren 9ko gertakarietan eraildako bi pertsonen omenez –Ekintza Katolikoko Langile-ermandadeko kide Aniano Jiménez Santos eta Ricardo García Pellejero– Iratxeko monasterioaren ondoan paratutako monolitoa.
3.- Espainiako Gobernua premiatzen da desklasifikatu dezan 1976ko maiatzaren 9an Jurramendin (Nafarroa) izandako gertakariekin lotutako dokumentazio oro.
EH Bildu Nafarroa talde parlamentarioak, Nafarroako Podemos-Ahal Dugu foru parlamentarien elkarteak eta Izquierda-Ezkerra talde parlamentario mistoak aurkeztua.
1. puntua Navarra Sumaren, Geroa Bairen, EH Bilduren eta Izquierda-Ezkerraren aldeko botoekin, Navarra Sumako parlamentari baten (PPN) abstentzioarekin eta PSNren aurkako botoarekin onetsi da.
2. puntua Navarra Sumaren, Geroa Bairen, EH Bilduren eta Izquierda-Ezkerraren aldeko botoekin eta PSNren aurkakoarekin onetsi da.
3. puntua Navarra Sumaren, Geroa Bairen, EH Bilduren eta Izquierda-Ezkerraren aldeko botoekin eta PSNren eta Navarra Sumako parlamentari baten (PPN) abstentzioarekin onetsi da.
*Podemos-Ahal Dugu ez da bilkuran egon.