Parlamentuaren osoko bilkurak mozio bat atzera bota du gaur Navarra Sumaren aurkako botoekin, PSNren abstentzioarekin eta Geroa Bai, EH Bildu, Podemos-Ahal Dugu eta I-Eren aldeko botoekin, zeinaren bidez Nafarroako Gobernua premiatzen baitzen “albo batera utz dezan “itzaleko bidesaria” izeneko finantzaketa-formula etorkizunean egiten diren azpiegituretan”.

Zioen azalpenean, Geroa Bai talde parlamentarioak sustatutako mozioak ziurtatzen zuenez, “itzaleko bidesariak azpiegiturak eraiki, ustiatu eta kudeatzeko itzaleko bidesariak finantzatzeko formula gisa erabiltzeak, A-12 bideko autobia, A-15 Pirinioetako autobiaren zati bat eta Nafarroako ubidearen lehen fasearekin egin den bezala, ondorio ekonomikoak ditu Nafarroako Aurrekontu Orokorretan, kanonak ordaintzeko betebeharrak urteak 100 milioi euro artekoak baitira. Baliabide publikoen kudeaketaren begirada labur hori da kudeaketa eta politika publikoak gidatu behar dituen iraunkortasun-printzipioaren etsaietako bat”.

Ildo horretan, eta Nafarroako Parlamentuak “itzaleko bidesarien sistema horrek dakartzan ondorio guztien norainokoa ezagutzeko” Kontuen Ganberari eskatutako fiskalizazio txostenaren zain, erakunde publikoei "kontabilitate-ingeniaritza sistema hori baztertzeko" eskatzen zieten, "funts publikoak interes pribatuetara transferitzea suposatzen duelako".

• www.nafarroakoparlamentua.eus

• Mozioa (39. NPAO, 2021-03-25ekoa)