NAFARROAKO PARLAMENTUKO MAHAIAK ETA ELEDUNEN BATZARRAK GAUR, ASTEARTEA, EKAINAK 20, EGINIKO BILKURAN HARTUTAKO ERABAKIAK

Nafarroako Parlamentuko Mahaiak eta Eledunen Batzarrak bilkura egin dute gaur –asteartea, ekainak 20–, 10:00etan, eta honako erabaki hauek hartu dituzte:

- Mahaiak eratutzat eman ditu “UPN”, “PSN”, “EH Bildu Nafarroa”, “Geroa Bai”, “PPN”, “Contigo Navarra-Zurekin Nafarroa” talde parlamentarioak eta “Vox Nafarroa” foru parlamentarien elkartea.

-UPN talde parlamentarioak Javier Esparza jauna izendatu du eledun titular, eta taldeko gainerako kideak eledun-ondoko.

-PSN talde parlamentarioak María Chivite andrea izendatu du eledun titular, eta Ramón Alzórriz jauna eta Inma Jurío andrea eledun ondoko.

-EH Bildu Nafarroa talde parlamentarioak Laura Aznal andrea izendatu du eledun titular, Adolfo Araiz jauna eledun-ondoko, eta taldeko gainerako kideak ordezko eledun, honako hurrenkera honetan: Eneka Maiz andrea, Xebe Txoperena jauna, Javier Arza jauna, Arantxa Izurdiaga andrea, Txomin González jauna, Irati Jiménez andrea eta Mikel Zabaleta jauna.

-Geroa Bai talde parlamentarioak Uxue Barkos andrea izendatu du eledun titular, eta Pablo Azcona jauna, María Solana andrea, Javier Arakama jauna, Mikel Asiain jauna eta Blanca Regúlez andrea ordezko eledun.

-PPN talde parlamentarioak Javier Garcia jauna izendatu du eledun titular, eta Irene Royo andrea eta Maribel García Malo andrea ondoko eta ordezko eledun.

-Contigo Navarra-Zurekin Nafarroa talde parlamentarioak Begoña Alfaro andrea izendatu du eledun titular, eta Carlos Guzmán jauna eta Daniel López jauna ondoko eledun.

-“Vox Nafarroa” foru parlamentarien elkarteak María Teresa Nosti andrea izendatu du eledun titular, eta Emilio Jiménez jauna ondoko eledun.

-Mahaiak eta Eledunen Batzarrak bulegoen eta aparkalekuen banaketa erabaki dute, baita Osoko Bilkuren Aretoko eserlekuen banaketa ere, zeina eratze-bilkurakoa izanen baita.

- Mahaiak, lehendakariak proposatuta eta Erregelamenduko 81.3 artikuluarekin bat, aho batez onetsi du Silvia Doménech andreak Legebiltzarreko legelari nagusiaren postuan jarrai dezala; 2019az geroztik du ardura hori.